17.09.2020

پاکستان اندرا بدعنوانی ائے یک اینگے مسلہ دیما آتکا ہمائی آژ عمران خان ائے سرکار باز پریشان بیسا پھرچھے کہ ہمیں مزنیں گھپلہ اندرا پاکستان ائے سنگت چین ائے نام دی گتی آ رؤغیں ۔عمران خان آپا ہمیں مصیبت اصل آ یک پیسر ائے پؤجی جنرل عاصم سلیم باجوا آ کھڑو کھُزا۔پاکستان ائے مین اسٹریم میڈیا اندرا ہماں وخت ہمیں اکینڈل چکا چرچہ بیسا تہ عمران سرکار او طاغتور پاکستانی پؤج یک دم حرکت آ آتکا او مچھیں زور ہمیں ٹؤک چکا جھنغ بِنا کھزیش کہ ھچھ ڈؤل آگو اُمت ائے دھیان آنہی آژ ہٹائینغ آپا ھند آر بدنام کھزی آ برؤ کہ آں چین پاکستان راھداری چکا یُرش کھنغ آپا ہمیں اسکینڈل کھڑو کھنغیں ۔آنہی اصل ایں قصو اش انت کہ پاکستان ائے یک ممتاز حوال کار احمد نورانی ائے آزاد نیوزویب سائیٹ ،فیکٹ فوکس،آ یک رپورٹ چھاپسی آ شزا ہمائی آ ہمیں گمان درا کھزی آ شزا کہ عاصم باجوا ائے کنبہ یک امریکی بزنس کمپنی پزا چین،پاپا جون آگو بستگی ایر کھنت او کھربیں ڈالر ائے سؤداگری سنبھالغیں ۔ہمیں پزا چین ائے ایکا سجوں آنژ مزن ایں مالکی ائے حق ہمیں کنبہ ایر کھنت۔اصل آ گوستی ایں سال جنرل باجوا آ سروزیر عمران خان آ وتی خاصیں معاون برائے اطلاع ائے بھیرا برحال کھزغئے سا درگتہ کہ آں چین ،پاکستان ایکونومک کاریدور اتھارٹی ائے واگ داروخ ائے زمہ واری دی سنبھالغیں ۔برحال ہماں وخت آنہی آ سروزیر آ وتی ماڑی او جائیداد آنی تفصیل پیش کھزاتہ آنہی آ ہمیں اصلیت آر پدھر نہ کھزا کہ آنہی لوغی ائے مزکورہ امریکی ائے بزنس کمپنی آ چھے بہر داری ایں ،صاف ایں کہ ہمیں گھپلہ ھچھ کسنیں گھپلہ نیا ۔بدعنوانی ائے حلاپ عمران خان باز دعوی تہ کھنت مگہ آنہی سرکار ائے ہمیختر مزن ایں گھپلہ دیما آتکا تہ تھوار تہ کھڑو بی ۔ہمیں خاطرہ ہماں وخت میڈیا آ چرچہ بیسا او ہر وٹا ہمیں اسکینڈل ائے ٹؤک بیسا تہ یک وٹا سرکار جنرل باجوا آر بھچینغ ائے کوشست کھنغیں او دوہمی وٹا پؤج دی ہمیں حبر آر دروغ ثابت کھنغ آپا دست پھاز جھنغیں ۔واشنگٹن آ ولسن سینتر ائے برز آسیا ایسوسیایٹ میخائیل کوگلمین ائے گُشغ ایں ایں کہ چین او پاکستان دوایں آنی اصل ایں پِکر اش انت کہ تھانگا اُمت ائے نیاہ آژ ہمیں مسلہ آ دیر ایر کھزی آ برؤ ۔آنہی آ گوشتا کہ اگر پاکستان اندرا ہمیں مسلہ زور آگو کھڑو بیسا تہ ہمیں الزام ہڑ دوکین ملک آنی آپا پریشانی ائے وجہ بیس بی۔صوبہ شنگ جیانگ آ ایغور مسلمان آنگو ہماں دی چھی اے بی غیں یا تائیوان ،تبت او ہانگ کانگ آ چین ہماں کہ مڑدمی حق آنی خلاف ورزی کھنغیں ،آنہی آپا دی پاکستان چین ائے سنگتی کھنغیں مگہ ہمیں ہڑچھی اے کھنغ ائے باوجوت میخائیل کوگلمن ائے روگا ہمیں مرحلہ آ سی پی ای سی اتھارٹی ائے واگ داروخ باجوا ائے حلاپ دیما آئیغ والا ایں ہمیں گھپلہ جغرافی او سیاسی ڈؤل آگو چین او پاکستان ائے سیال داری ائے نیمگا ناوشی پیدا کھز کھنت ۔