سرگال:عمران خان ائے پاکستان آر ریاست مدینہ کنغ ائے واہو

پاکستان ائے سروزیر عمران خان آ ملک ائے عکس وشتر کھزؤ یک نوخیں پاکستان ائے تعبیر ائے وعدہ کھزغئے سا ،یک اینگے پاکستان ہمائی آ بدعنوانی ائے ھچھ جاگاہ نوی او ہماں کہ پھیغمبر اسلام حضرت محمد مصتفی ائے اصول آنی روگا بی ہمینگا کہ شہر مدینہ اسا ۔مگہ ہمیں واہو پورا مویسا ۔ملک ائے ردین حالت معیشت،اتحدی آنی مخلوط سرکار آژ روغ او فنائینشل ایکشن ٹاسک فورس ائے وٹاژ بلیک لسٹ آ اوار کھنغ ائے گمان ،اے ہماں مچھیں ٹؤک آں ہماں کہ عمران خان سئے سروکی ائے کارکردگی آ پھیدھاراں ۔وتی سرکار ائے سئے می سالگرہ ائے موقع چکا عمران خان آ وتی سروکی ائے گوستی ایں دو سال آنی سوب مندی آنر پھیدھارغ آپا ٹیلیویژن اسٹوڈیع ائے کے دھکا چھَر جھزا ۔ٹی وی چکا وتی سرکار ائے سوب مندی آنی زکر کھزؤ عمران خان آ گوشتا کہ آنہی آ وتی پسند ائے ڈن ائے پالیسی ائے زریعہ آگو پاکستان ائے عکس آر وشتر کھُزا۔آنہی آ گوشتا کہ کرونا وائیرس وبا آ دیما کھنغ آپا آنہی سرکار آ باز سوب مندی مِلسا ۔ٹی وی چکا یک انترویو آ آنہی آ گوشتا کہ پاکستان یک اسلامی ملک بی اغ ائے دگ چکا جزغیں ۔یک اینگے ملک ہمائی واہو آنہی قیام ائے وخت آ دیستی آ شزغئے سا ۔آنہی آ گوشتا کہ آں پاکستان آر عالم اسلام آپا یک مثال کھنغ آپا باڑہ ایں ۔آں ہمیں ٹؤک آپا مچھیں کوشست کھنت کہ آنہی ملک ریاست مدینہ ائے ڈؤل آگو بی ۔پاکستان ائے سرکار آ مدرسہ آنر اہمیت دئے اغ او آنہانر زند ائے اصل ایں دھارہ آگو جوڑغ آپا سنگل نیشنل کریکولم پالیسی لاگو کھُزا ۔ہمیں پالیسی ائے بُنا پنچمی درجہ تک ائے چُکھ آنر دینیات وانینغ لازمی بی ۔ہشت می او دھ می کلاس ائے چکھ آنر اسکول سلیبس آ پھیغمبر اسلام حضرت مسظفی ائے زند ائے بارو آ یک نوخیں چیپٹر شروع کھنغی بی۔تاکہ شاگرد آنہی زند آژ سبق زڑتھ کھناں۔اے ٹؤک دی گندغ آپا ملسا کہ عمران خان نی ایں روش آں حوال کانر آنگو اسلامی ٹؤک کھزؤ نیاہ کھائے۔ہمیں نوخیں پالیسی ائے زکر کھزؤ پاکستان ائے مشہور تعلیم ائے زانتکار پرویز ہود بھائی گُشی کہ ہمیں نوخیں کریکولم آژ اسکول ائے چکھ آنی اندرا ھچھ ڈؤل ائے دی براوری پیدا نوی آنہی ائے گُشغ ایں کہ اولی ایں درجہ آژ پنچمی تکا چھُکھ آنر نہ چھڑوئی آ دینیات وانینتھی آ رؤ بلکہ قرآن قریم دی یات کھنغی بی ،آنہانر اشی ترجمہ دی پوہ بی غی بی ۔ہماں وخت مزہبی پڑھیائی ائے ہیختر زور بی تہ گڈا چھُکھ دیگر مضمون تھانگا وانیناں ۔پاکستان آ سال آنژ سیکیورتی استیبلشمنت قومی سلامتی او ڈن ائے کار آنی آپا پالیسی ائے تعین کھناناں پھیزاغیں۔مگہ نی ایں سرکار آ ہمیں بارو آ آنہی ائے عمل دخل چھی اے گیش بیسا ۔پؤجی سروک جنرل قمر باجوا آ سروزیر عمران خان او آنہی کابینہ ائے فیصلہ آنر بھچینتھا ہماں کہ آنہی آ ھچھ ویچار کھنغ آ بغیر گتغئے ساں ۔مثال ائے ڈؤل چکا ڈن ائے وزیر شاہ محمود قریشی ائے بیان آ ہی گندے آنہی آ گوشتغئے سا کہ اگر سعودی عرب کشمیر ائے مسلہ چکا او آئی سی ائے وزیر آنی بیٹھک لوٹھائینتھ نہ کھنت تہ آں اشی آپا سروزیر عمران خان آژ درخواست کھنت۔ہمیں بیان آژ سعودی عرب باز ناوش بیسغئے سا۔اینگے حالت آ اے گندغی ایں کہ آیا عمران خان وتی باقی مُدت کار آ پاکستان آ ریاست مدینہ کھُز کھنت یا نہ۔