سرگال طالبان آني اڈہ آني چھکا حملہ کشتي آ روغ والا آني تعداد چھکا پٹھائيں دعوي

يکھ وٹ آ قطر ائے دارلخلافہ ائے دوحہ لافا بين افغان مزاکرات ائے طے بيسغين پروگرام ائے روگا حکومت افغانستان
او طالبان آني نمائندغ آني نياما ٹوک توار ائے سلسلہ جزغين تہ دوہمي وٹ آ افغانستان آژ ہڑدوئين دھر آني نياما تصادم او
جھڑپ آني حوال دي ملغان اينگے حوال بے باور دي نياں پھچے کہ طالبان آني وٹ آژ حملہ او پر تشدد اين کاروائي آني سلسلہ وختے آ نہ جھکزا ٹوک توار ائے سري ايں مرحلہ تہ آں آ ہموزا امريکي او طالبان نمائندغ آني نياما مزاکرات بيسغيساں دي سي آ برو ہميں مرحلہ لافا دي بعض رکاوٹ پيدا بيسغيساں
بلکہ ٹوک توار ائے آں سلسلہ يکھ واري پرشتو دي شزغيسا او ہمشي وجہ دي ہميں آ کہ ٹوک توار ائے نياما دي طالبان آني حملہ جزغيساں اينگے ہي يکھ حملہ لافا يکھ امريکي فوجي دي طالبان آني دست آني کشتي آ شزغيسا ہمشي پھزا صدر ٹرپپ
آ نيامغا ہي ٹوک توار ائے سلسلہ رد کھزو اشتغيسا بہر حال چھئيے وہلہ پھزا آں سلسلہ دوہمي دھکا چالو بي سا
او ہميں دھکا امريکہ او طالبان ائے نياما لازم ايں منغ نامہ بي سو شزا
مزاکرات ائے دوہمي او خاص ايں مرحلہ داکرا طے بيغ سراختي آ طالبان او امريکہ ائے نياما بيغ والا ايں منغ نامہ ائے
روگا تہ امريکي فوجي آني افغانستان آژ گڑدغ ائے ٹوک اوار آ او امريکہ آر طالبان آژ ہميں گارنٹي لوٹھز کہ امريکي فوجي فوجي آني گڑدغ محفوظ ايں ڈول چھکا بي سو شزا
منصوبہ ائے دوہمي بہر ہميں آ کہ اندري ايں افغانستان پکوئيں ايں امن ائے قيام آپا طالبان او افغان حکومت پھجي آ افغانستان ائے دوہمي حلقہ آني بارو لافا آپس لافا ٹوک توار بي او آپسي ايں اتفاق آژ حل پھولسي آ برو
بہر حال آں مرحلہ دي دوحہ لافا چالو بي سو شزا
مشاہدين او جانچ کھنوخ اني ويچار ايں کہ افغان حکومت او طالبان نمائندغ آني نياما ہماں ٹوک توار بيغيں
شايد ہميں کھل آژ گيش ڈکھي ايں ثابت بي