سرگال پاکستان لافا زبردستي مزہب مٹينغ آر قانوني سرپرستي

زبردستي مزہب مٹينغ آپا پيشا آژ ہي بدنام پاکستان اندرا ني ہميں ناپاک ايں فعل آر قانوني محافظت ديغ ائے کوشش چالو بي سو شزا دي سي آ برو عمران خان دعوي کھنت کہ ہمشي آ مزہبي او مسلکي اقليت آني محافظت آپا جوائيں گام زڑتھغاں ليکن راست ہم اش کہ ني دي بعض ايں طريقہ آژ ہماں اقليت آني مزہبي سماجي او شہري آزادي آر آسر کھنغ ائے کوشش سرکاري سطح چھکا جزغاںکسن ايں منڈ آژ زبردستي مزہب مٹيتھو اش آژ نکاح کھنغ ائے واقعہ ملک لافا عام آں دوہمي وٹ آ پاکستان ائے دو خاص ايں اقليت يعني احمدي او شيعہ آني خلاف پاکستان لافا اينگے ماحول ٹھائيتھي آ شزا کہ ہماں اقليت آژ تعلق اير کھنغ والا ايں مڑدم
آني زيندغ رہغ ڈکھيا بي سو شزا يورپ او امريکہ يا گڈا ہند اندرا کھم ايں واقعہ آر دي اقليت آني چھکا ظلم ائے ڈول چھکا گندغ
والا ايں پاکستان وا مزہبي مسلکي تعصب ائے شکار ايں
بدبختي آژ عمران خان آپا ہميں مسئلہ خاص نياں بلکہ گاوانڈي ملک آني چھکا الزام جھزو پاکستاني حکومت مزي خامي او کوتاہي آر لکنيغ لوٹھي
ہموزا تکا زبردستي مزہب مٹينغ ائے واقعہ آني تعلق ايں تہ آں ہار ني پاکستاني معاشرہ لافا معمول ائے واقعہ ائے ڈول چھکا دي سي آ روغيں کسن ايں منڈ آني پھجي آ نکاح او مزہب مٹينغ آر قانون لافا جرم منزي آشزا او اينگے واقعہ آني چھکا چھڑوئين خانہ پري ائے ڈول چھکا وختے وختے آ قانوني کاروائي ائے حوال دي کھايان
ني اينگے معاملہ آر دي بعض ايں بہانہ آژ قانوني شکل ديغ ائے کوشش بلکہ سازش چالو بي سو شزاغاں
گوستي سال سندھ ائے گھوٹکي علاقہ ائے يکھ کھم ايں عمر بکھال منڈ سمرن کماري آر زبردستي اغوا کھزي آ شزغيسا
پھزا ہميں منڈ با چندي شريف نامي يکھ درگاہ آژ برآمد کھزي آ شزا ني صورت حال ہم اش کہ سمرن وزي ماس پھز ائے ديم دي ديس نہ کھنت پھچے کہ آں کافر آں او اسلام ائے ٹھيکہ دار آني نہياہ لافا ہمشي وجہ آژ آں وزي ہي جنکھ آپا مجرم دي سي آ رواں اسلا ائے اصول آني ہميں رديں او بے ہودہ تشريح اسلام ائے چھئيے نام نہاد ايں علما کھنغان کہ اش آني وجہ آژ اسلام کھل ايں جہان اندرا بدنام بي غيں
ہميں حالات ہميں ٹوک ائے اشارہ کھناں کہ پاکستان لافا مزہبي اقليت آژ تعلق اير کھنغ والا ايں کسن ايں منڈ آني اغوا او اش آژ زبردستي سير کھنغ والا آر قانوني محافظت ديغ ائے سازش بي غيں او ہماي اقليت آني حصول انصاف ائے دگ بند
کھزي آ روغاں