سرئ وزیر واجہ نریندر مودی "من کی بات"

منی دوستین ھم وطنان، نمسکار۔ بری رادگین کورونائ وھدان پورہ ئن عالم بہ راز رازئین وڑئ بدل بوتگیت۔ مروچین روچا وھدہ کہ دو گزئ دوری زروری بوتگیت، ھم بحرانین وھدہ الک و ایالانی تھا باسکانا گون یکئ آ دگرا نزیک کرتگیت۔ مگہ بہ انچین تچکین وھدہ کہ باید یکجا بنت و گون یکئ آ دگرا یکجا بنت و وتی وختا گون یکئ آ دگرا تیر کننت، چی وڑا ھما مُچین وھدان وشھال بوتگ کننت؟ شہ ھمی وجا بازین الک و اعیالئ گون سَکیان دیم پہ دیم بوتنت۔ و ایشی وج ویش انت کہ ھما "سنسکار سریتا" یا کہ فامیلین دود و ربیدگ کمی انت بری وھدان کہ یک وختئ زندئ دیما برگئ یک اھمین کوتئ اتنت۔ ای وڑا درا بیت کہ بازین الک و اعیالئ انت کہ شہ آوان ای ربیدگ زیان بوتگنت، شہ ھمی وجا پہ بازین فامیلان بری سَکیان باز سَک ات کہ گون وتی فامیلئ باسکان یکجا بنت۔ اھمین ھبر بری مسئلہ تھا چی ات؟

بہ آ وھدان یک مزنئن مردمئ بہ ھر یکئ شہ فامیلان ات کہ پہ مُچان کئسہ و نکل کرت و بہ گئسئ تھا و فامیلئ تھا یک نوکین انرژی را گون تھ کئسہ و نکلان کاورت۔ تہ نون مشما باید انت کہ زانتگ بنت مئ اجدادانی ربیدگ و دودئ کہ پہ مشما اشتگنت تہ چی کچانہ اھمیتئ وڑ انت، مروچی ھم، بہ انچین سَکین وھدان۔ و ھمی وڑا کہ من گشتن یکئ شہ آوان کئسہ و نکل کنگئ توانایی انت۔ سنگتان کئسہ و نکلئ تاریخ ھمانکس کدیمی انت کہ بنیادمئ تمدن انت۔ " جائ کہ روحئ انت ، یک کئسہ ھم انت۔" کئسہ و نکل بنیادمانی حساسین چیزانی باروا ھبر کننت۔ اگہ یک کئسہ واکا ما بلوٹنت کہ شاھد بنت، یک ماسئ را دسیتگ کننت وھدہ کہ آ پہ وتی گونڈکئ واپنتنا یا نان داتنا پہ آی چی وڑا کئسہ کنت۔ من وتی زندئ گیشترکین کوتا چو یک زاھدئ دیما برتن۔ پیادگ شہ یک جا بہ دگہ جاگہ شوتن منی زند ات۔ ھر وھدہ نوکین جاگہ و نوکین استمانئ دیستن۔ مگہ حیرانئ وڑ انت کہ ھر وھدہ کہ من شہ آوان لوٹتن پہ من یک کئسہ و نکلئ کننت آوان گشتنت " نہ کاکہ من پہ شما یک جوکئ گشین" و آ شہ من ھم لوٹتنت کہ پہ آوان جوکئ گشین ای راز درا بوت کہ آوان شہ کئسہ و نکل آ ھیچ چیزئ نہ زانتنت۔ ای جوک اتنت کہ آوانی زندا پر کرتنت نہ کئسہ۔ ھندیی تا کئسہ گویی یا کئسہ و نکل کنگئ دود و ربیدگئ شہ کدیمان بوتہ۔ ما بہ وت بالنت کہ انچین سرڈگارئ نندوکُ انت کہ بہ آی تھا ھیتوپادیش و پنچ تنترا ربیدگ بوتہ، حیوان و پریندہ و پریانی کئسہ و نکل جور بوتگنت و شہ آوان بازین درس بہ زانتکاری و تدبیر باروا یات گپتگ بیت۔ ما ادنا کتھا دود و ربیدگا دارنت کہ یک کدیمین مذھبین کئسہ و نکل کنگئ رکمئ انت۔ "کتھاکلاکشیپام" یک کوتئ شہ آی بوتہ۔ بی اشمارین محلین کئسہ ھم ادنا باز انت۔ بہ ٹامیل ناڈو تھا یک خاسین کئسہ و نکل کنگئ مودلئ انت بہ "ویلو پات" ناما۔ ای یک جالب و خاسین کئسہ و وانتنئ یکجا کنگ انت۔

ھند یک پربارین ربیدگئ بہ کٹپوتلئ بھرا ھم داشتگیت کہ دوتوکگوازئ انت۔ بری روچان سائنس کئسہ و نکل و شہ سانئنس دیما کئسہ و نکل کنگ شہ سائنس دیما نامدار بوتہ۔ من دیستگ کنین ھما مردمانا کہ کئسہ گویی آ دیمرئی دیگئ کوشستا کننت۔ من بہ " Ghatastory.in" وب سایتا دیستن کہ آمر ویاس آی را گون وتی دیگہ ھم کاران دیما بارت۔ رندا شہ وتی ماسترئ الاس کنگا شہ احمدآبادیی ای ای ام، آمر ویاس شہ مُلکا ڈنا شوت و پھدا برگشت۔ نون آ بہ بنگلور تھا وتی زندا دیما باورت و وھدہ کہ بی کار انت ای وڑئ کارانا کنت، چو کئسہ گویی۔ ھندیی الکانی تھا بازین نامدارین کسئہ انت۔ مردم چو ویشالی ویاواھاری دیشپانڈئ ایشی را بہ مراٹھی تھا مشھور کننت۔

سرویدیا ویر رگھاون شہ چینئ ھم بہ ای رازئ ربدیگین کئسہ آنی انتشار دیگ و مشھور کنگا موشکول انت، بری بھرا دو وب سایت "کٹھالیا" و " اینڈین استوری تلنگ نیٹورک" ھم شرّین مدد بری بھرا کننت۔ گیتا رمانوجن بہ کٹھالیا سایتئ کئسہ انی سرا کار کنت و "اینڈین استوری تلنگ نیٹورک" ھم کوشست داریت کہ شہ بازین ھندین شھران کئسہ گوشوکانئ نیٹورکا جور بکنت۔ ویکرم سریدھر بہ بنگلور تھا انت، کہ باپو باروئ کئسہ پہ آی باز وش و اھم انت۔ بازین مردمئ دیگہ چو ایشانیا استنت کہ بری بھرا کار کننت، سوشل میڈیا تھا بہ ایشانی باروا باید انت دگرانا سی کنئیت۔

مروچی آپرنا آٹھاری و بنگلور کئسہ گویی سماجئ دیگہ باسکان گون مشما یکجا انت۔ بیائیت گون آوان ھبر کننت و شہ آوانی تجربہ چیزئ یات گرنت۔

سرئ وزیر: الو

آپرنا: نمسکار محترمین سرئ وزیر چون استئیت؟

سرئ وزیر: من جوڑ استن شما چون استئیت آرپنا جی؟

آپرنا: باز زبر استن شکریہ واجہ۔ من شہ مُچین چیزان اول سرا لوٹین پہ شما شکریہ گشین کہ ما را دعوت کرتگئیت انچین پلیٹ فارمئ سرا گون مئ وڑئ ارٹسٹان ھبر کنئیت۔

سرئ وزیر: و من اوشکتگن کہ مروچی شمئ پورہ ئن تیم گون شما یکجا انت۔

آپرنا: بلہ بلہ راست انت واجہ۔

سرئ وزیر: نہ پہ زبر بیت کہ پہ من کی بات گوش داروکان وتی دروستیا درا کنئیت کہ آ ھم زانتگ کننت کہ شما چی وڑئ کمپائنئ را دیما برگا استئیت۔

آپرنا: واجہ منی نام انت آپرنا آٹھارئ، من دو گونڈکانی ماس استن و یک ھوائین پوجئ زاگانی ماس استن و کئسہ گویی آ باز دوست دارین۔ ۱۵ سال دیما وھدہ کہ یک نرم آفزارئ کمپنئ تھا کار کرتن کئسہ گویی آ بناہ کرتن۔ پہ سی اس آر پروجیکٹان وھدہ کہ ڈنا شوتن من توانتن چُنتی ھزار گونڈکانا شہ کئسہ و نکلئ دیما چیزئ یات دئین۔ و ھمی کئسہ کہ بہ آی باروا ھبر کرتن من شہ وتی بلوکا اوشکینتتن۔ وھدہ کہ من گونڈکانی دیمئ تھا وشھالیا دیستن، چی وڑا پہ شما گوشین، انچین اندگ و انچین گل و بالئ۔ ھما وھدہ ات کہ من فیصلہ کرتن کئسہ گشتن منی زندئ ھدف بیت۔

سرئ وزیر: دگہ کئ شمئ تیمئ تھا انت؟

آپرنا: شئیلاجا سمپاتھ گون من انت

شئیلاجا: نمسکار واجہ۔

سرئ وزیر: نمستہ بانوک

شئیلاجا: منی نام انت شئیلاجا سمپاتھ، دیم شہ ایشی من تعلیم دیوکئ اتن، وھدہ کہ منی گونڈک مزن بوتنت تئاتر تھا کارا بناہ کرتن و کئسہ گشتن شہ مُچین چیزان نا وشھالتر کرت۔

سرئ وزیر: شکریہ

شئیلاجا: سومیا ھم گون من انت۔

سومیا: نمسکار واجہ

سرئ وزیر: نمستہ جی

سومیا: من سومیا شرینیواسن استن۔ من رونشناسئ استن۔ وھدہ کہ گون گونڈکان و مزنئن مردمان کار کنین کوشست کنین بنیادمانی تھا نوراسا زندگ کنین و بہ آی باروا گون آوان ھبر کنین۔ منی ھدف انت " کئسہ گشتن پہ درمان و بدلینگا۔"

آپرنا: نمستہ واجہ۔

سرئ وزیر: نمستہ جی۔

آپرنا: منی نام آپرنا جیشنکر انت۔ شہ منی شرّین و جوانین کئسمتا بوتہ کہ من گون وتی پئسین بلوک و پیروک و ماسین بلوک آ بہ ھندیی چُنتی جاگان وخت و وھدہ تیر کرتگن۔ پہ امیشا کئسہ و نکل شہ رماین، پوراناس، گیتا، ھر شپ پہ من گشتگ بوتنت۔ و رندا ای تنظیم بہ بنگلورئ کئسہ گوشوکانئ سماجئ ناما ات و من باید انت کہ کئسہ گوشوکئ بوتنن۔ منی ھمکار لوانیا پرساد گون من انت۔

سرئ وزیر: لوانیا جی نمستہ۔

لوانیا: نمستہ واجہ، من یک برقین انجینرئ اتن و نون مسلکین کئسہ گوشوکئ استن۔ واجہ من گون وتی پیروکئ کئسہ آنی گوش دارگا مزن بوتگن۔ من گون پیرئن مردمان کار کنین۔ بہ منی خاسین پروجیکٹئ سیائگا بہ "ریشگ " ناما کہ من گون آوان مدد کنین وتی زندئ کئسہ پہ وتی الک و اعیالان ثبت کننت۔ لونیا جی باز باز مبارک بیت پہ شما۔ و ھمی وڑا کہ شما گشتئیت من من کی بات تھا ھم شہ شما مُچان لوٹتتن کہ شہ وتی پئسین و ماسین بلوک و پیروکان شہ آوانی گونڈکیان کئسہ سوج کنئیت و آوانی توارانا ریکرد کنئیت۔ و ای بہ برزین کچانہ مددکنوک بیت۔ من ایشی را گشتتن۔ و من ھمی وڑا بہ برزین کچانہ وشھال بوتن رازئ کہ شما وتی دروستیا دیما کرتئیت، ھمی وڑا کہ بہ چُنت کلیمہ تھا شما وتی دروستیا گشتئیت درا کرت کہ بہ چہ کچانہ شما مسلکئ استئیت و پہ ایشی ھم پہ شما مبارکی دئین۔

لوانیا: شکریہ واجہ، شکریہ۔

سرئ وزیر: نون مئ من کی بات گوش داروک ھم چمبراہ انت کہ یک و دو کئسہ شہ شما گوش دارگا بنت، یک کئسہ پہ ما گشتگ کنئیت؟

مُچین: بلہ ای شہ امئ خوش کسمتیا انت۔

آپرنا جیشنکر: بیائیت یکجا پادشاہ کئسہ گوش کننت۔ پادشاہ نام کرشنا دیوا رائ ات و آی پادشھایئ جاگہ ویجئ نگر ات۔ مئ ای پادشاہ بازین خصوصیات داشت، اگہ کجام ضعفئ داشت آ ھم آی وزیر تنالئ راما و دومی نانئ بازین دوست داشتن ات۔ ھر روچ آ نانئ وھدہ پرزونگئ سرا نشت گون ای امیتا کہ مروچی جوانین چیزئ پکتگ بیت، مگہ آی آشپز ھرو روچ ھما نانانا گون راز رازی کدو آن جور کرت و آی دیما کرت۔ یک ھمی رازئین روچئ پادشاہ قابا یک نیمگا القچ دات و باز ناوشنود بوتہ حکم کرت کہ اگہ آیوکن روچا آ کجام مزگ دارین چیزئ جور مہ کنت آی را اعدام کنت۔ بیچارگین آشپز تروست، نون آ پہ نوکین سبزئ پٹ و پولا کجا شوتن؟آشپز جئست و شوت تنالئ رامائ پھدا و پہ آی مُچین کئسہ گشت۔ وھدہ کہ تنالئ راما اوشکت پہ آی یک ایدہ دات پہ نان جور کرتنا۔ آیوکین روچا پادشاہ آت و نشت و آشپزا توار کرت۔ کجام مزگ دارین چیزئ جور کرتگئ یا من تارا پہ اعداما تیار کنین؟ آشپز گون تروس و لرز گرمین نانئ قابا آی دیما کرت۔ نوکین نانئ بہ قابئ تھا ات۔ پادشاہ ھیجانی ات و نوکین نانا مزگ کرت۔ ھممم جوانین مزگئ داریت، نہ چو سبزین کدو آ بی طعم انت و نہ چو زردین کدوئ آ وش۔ آشپز جوانین مرچ و مثالہ ھم بہ آی تھا پرینتت و جوان مزگدار بوتت۔ پادشاہ وتی ناونکانا چٹئٹ و آشپزا توار کرت۔ ای کجام سبزی انت؟ ایشی نام چی انت؟ آشپز ھما چیزئ را کہ یات گپتت گشت: " پادشاہ ایشی نام انت تاج دارین بانجان، ھما وڑئ کہ خدا شما را پادشاہ کرتہ مردمانی ایش ھم بہ سبزیانی تھا پادشاہ انت ھمی وجا پہ آی تاجئ اشتگنت۔"

پادشاہ وشھال ات و گشت کہ شہ آ روچا و پھد ھمی نانا وارت و دیگہ چیزئ نہ وارت۔ " تاناکا من نہ، پورہ ئن پادشاھی تھا تاناکا تاجدارین بانجان باید انت کہ جور بیت و گیر شہ آی دگہ سبزئ جور مہ بیت۔ مُچی وشھال اتنت، پادشاہ و آی مردم۔ اول سرا ھمی راز ات پہ چہ کہ ای نوکین نانئ ات، مگہ وھدہ کہ ھر روچ تیر بوت وشھالی ھم کمتر بوت۔ یک بانجانئ را چُنت راز پکتگ کننت؟ بانجان لہ بوتہ، سور کرتگین بانجان، بانجان و برینج و بانجان و سامبر۔ کرار کرار حتئ پادشاہ ھم خستہ بوت۔ ھر روچ یک رازئ بانجانئ۔ یک روچئ پادشاہ آشپزا لوٹت و آی سرا خشم کرت۔ " کئ گشتہ کہ بانجان تاج دار انت؟ شہ باندئ روچا ھر سبزئ جور کنئ جور کن گیر شہ بانجانا۔" " ھر وڑئ کہ شما حکم کنئیت پادشاہ"۔ ایشی را آشپز گشت و جئست دیمئ تنالئ راما و آی پھادان کپت۔ " شکریہ وزیر، تہ منا رکئیتئ۔ شہ تی ھبرانی وجا من نون ھر سبزئ پہ پادشاہ پکتگ کنین۔" تنالی راما اندیت و گشت: " یک وزیرئ چی ارزش داریت کہ وتی پادشاہ وشھال ساتتگ مہ کنت؟" و ھمی وڑا پادشاہ کرشنادیوا رائ و تنالی راما کئسہ ادامہ ودی کرتنت و مردم گوش دارگا اتنت۔ شکریہ۔"

سرئ وزیر : بہ وتی کئسہ تھا دقیق ئن وڑئ ھر چیزئ را یات کرتئ، بازین اھمین چیزانی باروا ھبر کرتئ و من اطمینان دارین کہ ھر گونڈک یا مزنئ کہ شہ ای پروگرامئ راہ ای کئسہ اوشکتگ بیت بازین چیزئ آی اوشا ماننت۔ انچین شرّین وڑئ ای کئسہ پہ ما گشتئیت و چی شرّین تصادفئ کہ ای ھپتگ تغذیہ ھپتگ انت و شمئ کئسہ ھم بہ نانئ باروا ات۔ و من حتمی انت کہ شہ شما و دیگہ مردمان لوٹوک استن کہ مئ مُلکئ نوکین نسل آ گون مزنئن مردینزاگ و جنینزاگانی زندا وصل کننت۔ مشما باید انت کہ بہ ایشی باروا ھم پکر کننت کہ چی وڑا کئسہ گویی ھنرا دیمرئی دینت و بہ ھر گئسئ تھا انتشار دینت، خاسین وڑئ گون شرّین کئسہ آن پہ گونڈکان۔ شرّین کئسہ آنی کنگ پہ گونڈکان باید انت کہ مردمانی زندئ یک کوتئ بیت۔ مشما باید انت کہ یکجا بہ ای راھ کار کننت۔ من باز وشھال بوتن کہ گون شما ھبر کرتن۔ پہ شما مُچان سوبئ لوٹوک استن۔ شکریہ۔

مُچین: شکریہ۔

مشما ای بانوکانی تواران اوشکینتنت کہ شہ کئسہ گویی راہ مشمئ دود و ربیدگانی جریانا زندگ ساتنت۔ وھدہ کہ من گون آوان ھبر کرتن۔ مئ گپ و تران باز تچک ات و من پکر کرتن پہ "من کی بات" پروگراما یک محدودیتئ پہ وخت و وھدہ انت، شہ ھمی وجا ھما مُچین چیزئ کہ بہ آی باروا ھما ھبر کرتن بہ نریندرمودی ایپ تھا اپلود بوتہ۔ بری ایپ تھا پورہ ئن کئسہ آنا شما گوش دارگا بوتگ کنئیت۔ بری "من کی بات" پروگرامئ تھا من تاناکا یک گونڈین کوتئ را دیما کرتگن۔ من شہ شما حتمی لوٹین کہ کمی وخت بئلیت بہ وتی گئسان پہ کئسہ گشتنا، ھر ھپتگ پہ ھر کجام باسکا بہ وتی فامیلئ تھا یک سرگالئ دئیت چو، احساسات، باتوری، کربانی، ارزش، محبت و غیرہ۔ یک سرگالئ را گیچئن کنئیت و آ ھپتگا ھر کجام شہ فامیلئ باسکان یک یک کئسہ شہ وت گشنت بری باروا۔ باز دیستگ کنئیت کہ چینکس اھمین چیز یکجا بنت و چینکس گون یکئ آ دگرا گپ و تران کنگ و کئسہ پٹ و پول کنگ پہ مُچان وشھالئ وڑ بیت۔ نوکین انرژئ و نوکین نورئ بہ فامیلئ تھا ودی بیت۔ ھمی وڑا یک ٹاسک دیگہ را ما تسر کرتگ کننت۔ بہ زوتین وھدہ مشما وتی ھپتاد و پنچ سالگئ آزاتئ روچا دود گرگا بنت، من شہ مُچین کئسہ گوشوکان لوٹوک استن کہ آ بازین کئسہ بہ پورہ ئن غلامئ وھدہ باروا ودی کننت کہ شہ ھما دورہ تیر بوتگین روچانی دیما بیت۔ خاسین وڑئ شہ ۱۸۵۷ سالا تہ ۱۹۴۷ سالا۔ مشما ھر کجام مزن و گونڈین تسر بوتگین دپ دیگانا شہ کئسہ راہ پہ وتی نوکین نسلا دیما کرتگ کننت۔ من اطمینان دارین کہ شما حتمی انت کہ ای کارا کنئیت۔ امیت انت کہ ای کئسہ گشتنئ ھنر مئ مُلکئ تھا دیمرئی کنت۔ ای یک چیزئ انت کہ مشما مُچین باید انت پہ آی کوشست کننت۔

منی عزیزین سنگتان، بیائیت ھپت بحرانا بہ کئسہ و نکلانی دنیائ تھا تیر کننت و ای کہسہ گوش دارگا بنت۔

" نمستہ منی براس و گواران۔ منی نام انت سیدو دمبلئ۔ من شہ مالی استن کہ یک مُلکئ بہ آپریکہ روکپتئ سیمان انت۔ من ھندیی مزنتری مذھبین فسٹیوال، کومبھ میلہ تھا کوت گرگئ وخت و وھدہ ودی کرتن شہ خوش کسمتیا۔ ای پہ من افتخارئ جاگہ انت۔ من باز وشھال اتن کہ کومبھ میلہ تھا کوت گپتن و بازین چیزئشہ ھندیی دود و ربیدگان یات گپتن۔ من لوٹوک استن کہ یک وارئ دیگہ پہ من وھدہ داتگ بیت کہ شہ ھند دورہ کنین و یک وارئ دیگہ بہ ھندیی باروا چیزئ یات گرین۔"

سرئ وزیر: جالب نہ انت؟ ایش سیدو دمبلئ ات شہ مالی، مالی یک مزنئن مُلکئ بہ آپریکہ روکپتا انت، دور شہ ھند۔ سیدو دمبلئ یک تعلیم دیوکئ انت بہ یک دولتین مکتب تھا بہ کیتا تھا، و انگرزئ، موزیک، رسامی و نقاشیا پہ تعلیم گروکان یات دنت۔ مگہ آ دیگہ شخصیتئ ھم داریت، مردم آی را ھندوستانین باپو توار کننت۔ و آ ھم بہ وت بالیت کہ آی را انچوش توار کننت۔ ھر یکشنبہ بیگا، آ یک ساتین پروگرامئ بہ ریڈیوئ تھا دیما کنگا بیت کہ ای نام انت " ھندیین فریکونسی بہ بالیود وانتان" آ شہ گڈین ۲۳ سالان ای پروگراما دیما کنگا بوتہ۔ ای پروگرامئ تھا آ بہ فرانسوین زونا و ھمی وڑا مالی فرانسوین لھجہ کہ آی نام انت بمبارا ھبر کنت۔ و ای پروگراما دراماتیک ئن وڑئ دیما بارت۔ بازین مھر و محبتئ پہ ھند آی دلئ تھا انت۔ یک وجئ دیگہ کہ آ گون ھند اینکس نزیک انت ایش انت کہ آی ودی بیگئ روچ اگست ۱۵ انت۔ سیدو جی نون یک دیگہ دو ساتین پروگرامئ بناہ کرتگنت کہ یکشنبہ روچا ۹ سھبا بناہ بیت کہ بہ آی تھا آ پورہ ئن بالیوودئ یک پلمئ کئسہ بہ فرانسوی و بمبارائ زونا کئسہ کنت۔

بازین وھدان وختئ کہ یک حساس و پردردین صحنہ باروا ھبر کنت گون وتی گوش داروکان یکجا آ ھم گریت۔ سیدو جی پئس آی را گون ھندین دود و ربیدگا دروستی داتت۔ بہ ھندیی آزاتئ روچا آ بہ یک ویدیو تھا کہ ھندیی ھبر کرت پہ ھندیی استمانا وتی تبریکیانا دیما کرت۔ مروچین روچا آی زاگ ھندیی کومین وانتنا آسانین وڑئ وانتگ کننت۔ شما باید انت کہ ای ھر دو ویدیو آنا سیل کنئیت و آوانی ای محبتا پہ ھند محسوس کنئیت۔ وھدہ کہ سیدو جی شہ کومبھ میلہ دورہ کرتنت و ھما گروپئ تھا اتنت کہ من آوانا دیستن من محسوس کرتن کہ آوانی ای مُچین دوستی و محبت پہ ھند باید انت کہ پہ مشما مُچان افتخارئ وڑ بیت۔

منی عزیزئن ھم وطنان، گشتگ بوتہ کہ ھما کَسئ کہ آوانی ریشگ بہ ڈگارئ تھا انت ھر وھدہ ھر رازئ مزنئن طوفانئ دیما ھم استوار ماننت۔ بری سَکین کرونائ وھدان، مئ کشارگرئ سکٹر و مئ کشارگر ای ھبرئ راستئ زندگنین گواھی و ثبوت انت۔ سرئ ایشی کہ مشما گون مزنئن سَکیان دیم پہ دیم انت مشمئ کشارگرئ سکٹر یک وارئ دیگہ وتی باتوریا درا کرتگیت۔ منی دوستان، مئ کشارگرئ سکٹر، مئ کشارگر و مئ الکان مشمئ ھدفت وت واکین ھندئئ بناید و ریشگ انت۔ اگہ آ پرواک ماننت رندا وت واکین ھندیی بنیاد ھم پرواک مانیت۔ بہ گئوستگین وھدان ای وترا شہ بازین محدودیتان یک نیمگ کرتگنت و کوشست کرتنت کہ شہ غلط فھمیان وترا دور کننت۔ پہ من بازین خط شہ کشارگرانی نیمگا کئیت، من گون کشارگرانی تنظیما ھم گپ و تران کرتگن، کہ آ پہ من ھال دینت شہ نوکین دپ دیگان و نوکین گام گرگان کہ بہ کشارگرئ سکٹرا زورتگ بنت۔ شہ چیزئ کہ من شہ آوان اوشکینتگن و شہ ھما چیزئ کہ ای دیگہ پہ من گشنت، من محسوس کنین کہ مروچی بہ من کی بات، باید انت چُنت چیز شہ کشارگران پہ شما گشین۔ یکئ شہ مئ کشارگرین براسان بہ ھریانائ سونیپت تھا انت آی نام انت شری کنوار چاوھان۔

آ پہ ما گشت یک وھدہ چینکس پہ آی سَک بوتہ کہ وتی میوگ و سبزیانی بازارا ڈنا شہ منڈی آ جور کنت۔ اگہ آ بلوٹن وتی میوگ و سبزیانا ڈنا شہ منڈی آ با کنت بازین وھدان آی مال ضبط بوتنت۔ مگہ شہ ۲۰۱۴ سالا رندا میوگ و سبزی شہ آ پی ام سئ ایکٹا یک نیمگ بوتنت، کہ پہ آی و دیگہ کشارگران بہ ھم پلّین سیمان بازین کٹئ وڑ ات۔ چار سال دیما آ ھور گون دیگہ کشارگران یک تنظیمئ شہ کشارگرانی حاصلان جور کرتنت۔ مروچی کشارگر بہ الکان وشین جواری و ذرت کشنت۔ آوانی حاصل راستامین وڑئ پہ آزادپور منڈی، دھلی، مزنئن دکان و پنچ استارین ھوٹلان دیم داتگ بیت۔ مروچی الکانی کشارگر ۲ و نیم تہ ۳ لکھ شہ ھر کجام ایکرئ ڈگارا درآمد دارنت ھر سال شہ جواری و ذرتئ کشاران۔ نہ تاناکا ایش بلکہ ای الکانی ۶۰ کشارگر شہ پالی ھاوس و نیت ھاوس جور کنگئ راھ نون راز رازئ رومی، خیار و فلفل دولمه کشت کننت و شہ ایشانی راھ سالینہ ئن وڑئ ۱۰ تہ ۱۲ لکھ شہ ھر ایکر ڈگارئ سرا درآمد دارنت۔

شما زانئیت ای کشارگرانی واک چی انت؟ آوان وتی میوگ و سبزیانا بہ ھر جاگہ پہ ھر کَسئ با کرتگ کننت۔ و ای واک آوانی دیمرئی بنیاد انت۔ نون ای واک گون دگہ کشارگران بہ دگہ جاگان شریک بوتہ، نہ تاناکا پہ ھما کسان کہ میوگ و سبزی کشار کننت بلکہ پہ ھما کشارگرئ کہ ھر چیزئ دگرئ وتی کشارانی تھا کشت کننت چو گلہ، نیشکر و روگنین دانگ و ھر چیزئ دگہ کہ آ کشار کننت بہ ھر جاگہ و بہ ھر کیمتئ کہ آوانی دلا گیتیر ات ھر کَسئ سرا با کرتگ کننت۔

دوستان سہ چار سال دیما میوگ و سبزی شہ آ پی ام سئ ایکٹ لسٹ تھا بہ مھاراشترا ھم یک نیمگ بوتنت۔ یک مثالئ کہ ای کانونئ اصلاح کنگ چی اثرئ بہ مھاراشترائ ھما کشارگرانی سرا کہ میوگ و سبزی کشت کرتنت، داشتہ شہ یک کشارگرانی تنظیمئ نیمگا درا انت کہ آی نام انت شری سوامی سمرتھ کشارگرانی حاصلئ کمپنی لمٹد۔ پونہ و ممبئ تھا وت ھپتفین بازار دارنت۔ بری بازاران کم شہ کم ۴-۵ ھزار کشارگرانی کشارانی حاصل شہ ۷۰ الکان راستامین وڑئ بیدگئ کجام دلالئ با بنت۔ ای الکانی ورنا راستامین وڑئ بہ کشار کنگ و با کنگئ پروسہ تھا کوت دارنت۔ ای پہ کشارگران راستامین وڑئ کٹئ وڑ انت و ورنا ھم ھمی وڑا گون کارا موشکول انت۔

یک مثالئ دیگہ انت شہ ٹامل ناڈو انت، ٹامل ناڈو کشت موزئ کمپنی۔ ای کشارگرانی کمپنی تاناکا پہ نام یک کمپنی انت، ای کشارگر مُچین یکجا یک سماجئ جور کرتگنت کہ باز جوانین سیستمئ داریت، کہ آ ھم ۵-۶ سال دیما دیمرئی کرتگیت۔ ای کشارگرانی سماج چُنتی صد تن میوگ و سبزی و موز شہ ھم پلّین الکان بہ لاک داون وھدہ زیت و سبزئ کمبوئ بستہ پہ چینئ شھرا دیم دات۔

نون پکر کنئیت چینکس ورنا بری کارئ تھا کوت گپتنت و ھمی وڑا پہ چہ کہ بری کارئ تھا کجام دلالئ نہ ات ھم کشارگر شہ ایشی کٹ برتنت و ھم مشتری۔ یک ھمی رازئ ڈلئ شہ کشارگران شہ لکنئو انت، آوان وتی ناما ارادہ اشتنت۔ آوان ھم کشارگانی تنظیمئ باسک انت و آ ھم راستامین وڑئ شہ ھما کشارگران کہ ڈگارانی سرا کار کرتنت میوگ و سبزیانا بہ لاکداون وھدہ زیتنت، و راستامین وڑئ بہ لکنئو بازارانی تھا آوانا با کرتنت، بیدئ کجام دلالئ، و ھما کیمتئ کہ لوٹوک اتنت پہ آوان داتگ بوت۔ سنگتان منی براس اسماعیل یک کشارگرئ بہ گُجراٹ، بناسکنتائ تھا رامپورائ الکانی تھا، آی کئسہ ھم باز جالب انت۔ اسماعیل لوٹت کشارگری کنت مگہ شہ ھمی پکرانی وجا کہ نونین وھدان مردم بہ کشارگرانی باروا دارنت آی الک و اعیال بری ھبرئ سرا گون آی ھم پکر نہ اتنت۔ اسماعیلی پئس ھم کشارگرئ ات و بہ آی تھا ھم گیشترکین وھدان ضرر کرت شہ ھمی وجا آ شہ اسماعیلی ای فیصلہ وشھال نہ ات۔ مگہ سرئ ای ھبران اسماعیل فیصلہ کرت کہ آ کشارگری کنت۔ اسماعیل بری پکرا ات کہ آ ای پکرا کہ کشارگری پر شہ ضرر آ انت آ گون نوکین راھبدنان بدل کنت۔ آ کشارگریا بناہ کرت گون نوکین تخنیک و راھان۔ گون ڈرپ آبیاریا آ کچالو کشت کرت و مروچی شہ وتی کچالو کشارانی دیما دروست بیت۔ آ برزترین کیفیتئ کچالو آنا کشت کنت۔ ای کچالوانا اسماعیل راستامین وڑئ پہ مزنئن کمپنیان با کنت بیدئ کجام دلالئ۔ و آ بہ برزین کچانہ فایدگ کنت۔ آ نون وتی پئسئ مُچین وامانا الاس کرتہ۔ شما زانئیت اھمترین کارئ کہ کرتہ چی انت؟ مروچی اسماعیل گون ۱۰۰ کشارگران بہ ھما ھندان مدد کنت و آ آوانی زندانا ھم بدل کنت۔

سنگتان بہ مروچین روچان، ھر چینکس مشما مودرن ئن راھبند پہ کشارگریا ودی کننت گون نوکین تخنیک و نوک آوریان ھمانکس دیمرئی کنت۔ بیجئ شانتی شہ منیپور شہ وتی اختراع وجا بری روچان بہ خبرانی تھا انت۔ آ یک اسٹارٹ آپ کسانین کمپنی را بناہ کرت کہ شہ نیلوفرئ گلانی ساقان دسگ جور کنت۔ مروچی گون آی نوک آوریا بہ پُچ و پوش و کشارگرئ صنعتئ تھا نوکین راھ پاچ بوتگنت۔

منی دوستین سنگتان من لوٹین شما را بہ گئوستگین وھدان برین، ای کئسہ شہ ۱۰۱ سال دیما انت۔ بہ سال ۱۹۱۹ تھا بریتانیائ حاکم بازین بی گناھین شھروندانا بہ جلیانوالا باغ تھا کشتنت۔ رندا شہ ای مردم کشی آ یک ۱۲ سالگین زاگئ ای سیمان رست۔ آ زاگ وشھال ات و گل و بال داشت مگہ وھدہ کہ آ سیمانا دیست آ نظارہ شہ آی پکر و خیالان ھم گیشتر وحشتئ وڑ ات، و آ گون وت پکر کرت کہ چینکس مردم بی رحم بوتگ کنت۔ ای بی گناھین زاگ بہ خشمئ اچ تھا سوت۔ آ بہ ھمادنا قسم وارت کہ بہ بریتانیائ حکمئ حلاپا جنگ کنت۔ نون زانتئیت من بہ کی باروا ھبر کنین؟ بلہ شھید ویر بھگت سینگھ۔ باندئ روچا کہ سپتمبرئ ۲۸ تاریخ انت مشما شھید ویر بھگت سینگھ ودی بیگئ سالروچا دود گرگا بنت۔ من گون وتی ھم وطنان ھور بہ شھید ویر بھگت سینگھ باتورئ دیما وتی سرا جال کنین۔ شما پکرئ کرتگ کنئیت کہ یک امپراطورئ کہ دنیائ مزنئن کوتئ آی دستئ چیرا ات و گشتگ بوت کہ پیتاپ ھیچ وھدہ شہ ای امپراطورئ سرا ایر نہ کئیت، انچین امپراطورئ شہ ۲۳ سالگین زاگئ بہ تروس و لرزا بیت۔ شھید بگھت سینگھ بہ ھما کچانہ کہ جوانین ھلگرکنوکئ ات بہ ھما کچانہ زانتکار و فھمیدہ ئن مردمئ ات۔ شھید بگھت سینگھ ھور گون وتی انقلابین سنگتان یکجا بیدئ ایشی کہ بہ وتی زندئ غما بنت انچین باتورین گام زورتنت کہ بہ مُلکئ آزاتئ گرگا بہ برزین کچانہ کٹوک و اھم بوتگنت۔ یک دیگہ اھمین ھبرئ بہ شھید ویر بگھت سینگھ زندئ باروا ایش انت کہ پہ آی تیمین کار کنگ و یکجا کار کنگ اھم اتنت۔ آی دوستی گون لالا لاجپت رای یا آی رفاقت گون آی انقلابین سنگتان چو چندراشیکر آزاد، سوکدیو، راجگورو و دیگہ ای ھبرئ گواہ انت کہ پہ آی خودپرستی ھیچ اھمیتئ وڑ نہ ات۔ تہ وھدہ کہ آ زندگ ات یک مشن داشت و وتی زندا ھم بری مشن تھا کربان کرت۔ آی مشن ات کہ ھند آ شہ بریتانیائ حکومتا و بی عدالتیا رکینیت۔ یک کمنٹ را من وانتن کہ آجئ اس جی شہ حیدرآباد بہ نریندرامودی ایپ تھا لیکتت۔ آجئ لیکتت : مروچین دورہ ورنا چی وڑا تواننت کوشست کننت چو بھگت سینگھ بنت؟ مشما شاید مہ تواننت چو بھگت سینگھ بنت، مگہ ھما محبت و دوستئ کہ بھگت سینگ پہ وتی مُلکا داشت، ھما آچی کہ بہ دلئ تھئ ات کہ پہ وتی مُلکا یک کارئ کنت حتمی انت کہ مشمئ مُچانی دلان انت۔ ھما مشمئ مزنتری ادائ احترام پہ بھگت سینگھ بوتگ کنت۔ چار سال دیما بری وھدہ مئ مُلک مشمئ ورنانی باتوریا بہ سورجیکال اسٹرائک تھا گواہ ات۔ مشمئ پوجی تاناکا یک مکسدئ داشتنت کہ ماتین ھند آ ھر رازئ کہ بوتہ حفاظت کنگا بنت۔ آوان کمئ ھم بہ وتی باروا پکر نہ کرتنت۔ آوان بہ سوبئ راھ گام زورتنت و ما شاھد و گواہ اتنت کہ آوان چی وڑا پرسوب بوتنت ماتین ھندیی غرور و افتخارا گیشتر کرتنت۔

منی سنگتان بہ آیوکین روچان مشما مُچین باز اھمین و مزنئن شخصیتانا یات کنگا انت کہ بہ ھندیی جور کنگئ تھا اھمین کوت گپتگنت۔ اکتبرئ ۲ تاریخ پہ مشما مُچان یک شرّین و جوانین روچئ انت۔ مشما بری روچا شہ ما بھارتئ دو مزنئن زاگانا، مھاتما گاندھی و لال بھادر شاستری یات کنگا بنت۔

محترمین باپویی پکر و ایدہ شہ ھر وھدہ کرتہ نون گیشتر معنی دار انت۔ مھاتما گاندھی اکتسادین اصولانا اگہ ما تواننت کہ آوانی بنیاد و ریشگا دروست کننت، سرپھد بنت و آی را تخنیکین وڑئ پیادگ کننت، رندا ضرورتئ پہ آتمنیربھر بھارت ابھیان نہ مانیت۔ گاندھی جی اکتسادین پکر و خیال رندا شہ مُلکئ دروست کنگا ودی بوتنت و ھندیی بو بہ آوانی تھا ات۔ شہ محترمین باپویی زندا ما ایشی را یات گپتگ کننت کہ مردمئ مُچین کار و پکر باید انت کہ دیم بہ بی وس و ناتوانانی زدنئ گھتر کنگئ بھرا بیت۔ ھمی وڑا شاستری جی زند پہ مشما سادگین زندئ دیما برگئ پیگاما دنت۔ اکتبرئ ۱۱ ھم پہ مشما خاسین روچئ انت، بری روچا ما شہ بھارت رتنا لوک نایک جیاپراکاش نرایان یات کننت بہ آوانی ودی بیگئ سالروچا۔ آوان پہ مشمئ دموکراسئ حفاظتا بازین گام زورتنت۔ ما ھمی وڑا شہ بھارت رتنا ناناجی دشموک یات کننت، کہ آوانی ودی بیگئ سالروچ ھم بہ اکتبرئ ۱۱ تاریخا انت۔ ناناجی دشموک جی شہ جیاپراکاش نرایانی نزیکین سنگتان اتنت۔ وھدہ کہ جیاپراکاش نرایان بہ فسات حلاپا جنگئ لڑگا ات، بہ آی حلاپا مزنئن ھلگرئ تنظیم بوت بہ پٹنا تھا۔ ناناجی دشموک اتنت آ وھدہ کہ وترا کربانی کرتنت۔ ناناجی دشموک سَکین وڑئ ٹپی بوت مگہ توانت کہ جیاپراکاش جی آ پرسوبین رکینتگ کنت۔ اکتبرئ ۱۲ تاریخا راجماتا ویجایا راجئ ودی بیگئ سالروچ انت۔ آوان وتی پورہ ئن زندا پہ دگہ مردمانی حذمتا اشتنت۔آوان شہ یک شاھانہ ئن الک و اعیالئ اتنت و مال و جا و زرّ و واکئ کمی نہ داشتنت۔ گون واتسالیا بھاو چو یک ماسئ آوان وتی پورہ ئن زندا بہ مردمانی حذمتئ راہ تیر کرتنت۔ آوان مزنئن دلئ داشتنت۔ ای سالی بہ اکتبرئ ۱۲ آوانی صدمین ودی بیگئ سالروچئ دودانی ختم بیگئ وھدہ انت۔ وھدہ کہ من بہ راج ماتایی باروا ھبر کنین یک حساسین دپ دیگئ روا منی ھوشا کاریت۔ من گون آوان یکجا کار کنگئ وھدہ داشتن و بازین یات و خاطرہ شہ آ وھدان دارین مگہ یک خاسین خاطرہ را لوٹین یات کنین نون۔ ما بہ " اکتا یاترا " تھا اتنت و شہ کنیاکوماری بہ کشمیر شوتنت۔ ای یاترا بہ ڈاکٹر مورلی منوھر جوشی سیائگ و سروکیا دیما شوت۔ سَکین زمستانئ وھدہ ات، دسامبر - جنورئ ماھان۔ رندا شہ شپئ نیما سات ۱۲ یا ۱ شپا شیوپوری رستنت بہ گوالیور نزیک بہ مدھیا پردیش۔ ما ھما جاگہ باید منتنن و استراحت کرتنن و پہ نوکین روچئ یاترا وترا تیار کرتنن۔ سات ۲ شپ ات وھدہ کہ من سر و جانا شوشتن، وتی پُچانا بدل کرتتن و لوٹتن بئوسپین کہ دروازگئ سرا یکئ در جت۔ من دروازگا پاچ کرتن و راج ماتا صاحب منی دیما اوشتاتنت۔ من حیران منتن کہ بہ انچین سردین زمستانئ شپا آوان ڈنا چی کننت۔ من پہ آوان سلام کرتن و سوج کرتن۔ " ماسی شپئ ای وھدہ؟" آوان گشتنت " نہ مودی جی ای گرمین شیر آ اول بور و رندا استراحت کن۔" آوان وت شیر و داروزرد آورتنت پہ من و وھدہ کہ من ڈنا سیل کرتن تاناکا من نہ اتن۔ یاترا مُچین مردمئ کہ بری دورہ تھا ھور اتنت، ۳۰-۴۰ مردم ھور گون ڈریور و دیگہ کارکنوکان، راج ماتا جی وت شخصا مُچانیا شوتنت و اطمینان ودی کرتنت کہ مُچین شپئ ۲ وھدہ شیر وارتہ بئوسپنت۔ من ھیچ وھدہ ای دپ دیگا شموشتگ نہ کنین کہ ھر وھدہ ماسین احساسات و ماسین محبتئ یاتا پرینیت منا۔ ای شہ مشمئ جوانین کئسمتا انت کہ انچین مردم گون انچین احساسات و تپسیا بہ ھندیی سرڈگارئ سرا بوتگنت۔ بیائیت یکجا کوشست کننت انچین ھندئ جور کننت کہ ای مزنئن شخصیت ھم بہ آی بالنت۔ آوانی آرمان و آرزو باید انت مشما را تشویق کننت۔

منی عزیزین سنگتان بری کرونائ وھدان من یک وارئ دیگہ لوٹین پہ شما یات کنین کہ ھر وھدہ وتی ماسکا پوشئیت و بیدئ وتی ماسکان اینگور و انگور مہ گردئیت۔ دو گز دوری شہ یکئ آ دگرا شہ شما و شمئ الک و اعیالان حفاظت کنت۔ ای چُنت کانون بہ کرونائ جنگئ تھا مشمئ سلیح انت یک پرواکین کارئ کہ مشمئ شھروندانی زندا رکئنتگ کنت۔ بیائیت مہ شموشنت کہ تہ وھدہ کہ واکسینئ ودی نہ بوتہ وتی کوشستانا بری راھ مہ اوشتاریننت۔ شما سلامت بئیت و شمئ الک و اعیال ھم سلامت بئیت۔ گون ای آرمان و امیت آ شہ شما خداحافظی کنین۔ شکریہ، نمسکار۔