سرگال سرے وزير ائے اقوام متحدہ ائے اصلاحات ائے مطالب

سرے وزير نريندر مودي آ ہفتہ ائے روش اقوام متحدہ ائے جنرل اسمبلي ائے سئے گيست او پھازد مي اجلاس آژ آن لائن

ديم کھزا وزي گپ اندرا سرے وزير آ اقوام متحدہ ائے مستقبل آپا يکھ وژن پيش کھزا تاکہ امن او سلامتي او ترقي ائے مقصد

حاصل بيس بي آں ليکن ہميں وژن آر پھيلو کھنغ آپا اقوام متحدہ لافا اصلاحات بعض لازم آں

سرے وزير آ گوشتا کہ نوزد سز چھل او پھنچ ائے جہان باوري آژ مروشي ائے جہان آژ دوہمي آ مروشي ما دوہمي دور آژ گزغوں گيست او يکھ مي صدي لافا مئے مستقبل ائے لوٹھغ او چيلنجز چھئيے دوہمي آں ہميں واسطہ مروشي جہاني براسي ائے اگايکھ مزن ايں سوال ہم اش ايں کہ چھے ہميں ادارہ ائے نوعيت ہماں ہماں وخت ائے حالات لافا آ مروشي دي آنگنے نيں سرے وزير آ ہميں ٹوک چھکا زور داسا کہ مروشي اقوام متحدہ لافا اصلاحات ائے بعض لوٹھغ ايں واجہ مودي آ گوشتا

کہ ہميں ٹوک راست ايں کہ سئے مي جہاني مڑائي نوي سا ليکن ہميں ٹوک آژ ناہ نہ کھزي آ بيس بي کہ بعض ايں مڑائي بيسغساں جہا ن آر بعض ايں ملک آني لافا اندري ايں مڑائي دي گندغ آر ملسا ہميں مڑائي او حملہ آني لافا کشتي ايں مڑدم مئے ڈول ائے ساں جنگ او اندري ايں مڑائي ائے وجہ آژ لاکھ ايں مڑدم بے لوغ بي سو ہميں وخت پناہ گزين آني ڈول آ

زندگاني گزائينغاں او ہميں کھل ايں واقعہ آر دارغ لافا سلامتي کونسل ناسوب رہسا

ہميں کھل ايں ٹوک آر گندغ آگو سلامتي کونسل لافا اصلاحات وخت ائے تقاضہ ايں سرے وزير آ گوشتا کہ ہندستان ائے يکھ ارب سي کروڑ آژ گيش مڑدم ہميں ادارہ لافا باور اير کھناں او آں اقوام متحدہ ائے اصلاحات آپا جززي ايں عمل آر پھيلو کھنغ آپا يکھ دراژ ايں وہلہ آژ ہيل آں اخير کار تھاں وخت تکا ہند آر اقوام متحدہ سلامتي کونسل ائے فيصلہ سازي ائے ڈھانچہ آژ جدا اير کھزي آ رو

واجہ مودي آ گوشتا کہ ہند آں ملک ايں ہمشي آ وزي دلير ايں فوجي آر قيام امن آپا پنجھا مشن آني چھکا ديم داسا

سرے وزير اگي ايں سال جنوري آژ ہند آر سلامتي کونسل آپا گچين کھنغ آپا جہاني براسي ائے شکريہ ادا کھزا

او گوشتا کہ ہند ترقي ائے وزي دراژ تجربہ آژ کھل ايں جہن آر فائدہ پجيني ہمشي آژ اقوام متحدہ آر با اختيار کھنغ او پکو کھنغ اندرا مدد ملي ہماں کھل ايں جہان ائے فلاح او بہبود آپا بعض لازم ايں