سرگال:گلگت ۔بلتستان ائے درجہ مٹینغ ائے پاکستان آگو ھچھ قانونی جواز نعیں

گلگت بلتستان چکا قوضہ کھنغ ائے ہپتاد سال آنی رندا دی پاکستان ہمیں دمغ آر یک پورا ایں صوبہ ائے درجہ دئے اغ آپا رؤغیں ۔ہمیں علاقہ جموں وکشمیر رجواڑے ائے یک بہراسا ہمایئ چکا ھند ائے دعوی برقرار ایں ۔اکتوبر ۱۹۴۷ آ سری ایں ھند او پاک ائے نیمگا مڑائی ائے نیمگا پاکستان آ جال علاقہ آنی پھجی آ جموں وکشمیر ائے ہپتاد او ہشت ہزار یک سد او چھیاردھ مربع کلومیتر ائے رقبہ چکا قوضہ کھزغئے سا۔گلگت بلتستان ائے دوہمی نام ؛ناردن ایریاز؛یعنی جال علاقہ دی ایں ہمائی آ پاکستان انتظامی سبب آنی بنا چکا استعمال کھنت پھرچھے کہ اے یک جھیڑوئی دمغ ایں ۔۲۸ اپریل نوزدی چھل او نوہ آ پاکستان آ ہمیں علاقہ آر کشمیر آژ جتا کھزؤ آنہی انتظام سدھائی آ وتی دست آ گتغئے سا ۔آنہی آ پھدا ہموزا ائے مقامی مڑدم آنی ناوشی ائے باوجوت دو مارچ نوزدہ شست او سئے آ پاکستان آ علاقہ ائے پنچ ہزار یک سد او ہشتاد مربع کلومیتر ائے علاقہ چین آر داسؤ اشتا۔سروزیر زوالفقار علی بھٹو ائے سروکی ائے وخت آ آنہی نام مٹینتھؤ ؛مرکز ائے انتظام بنا جال علاقہ ایر کھزی آ شزا۔۲۰۰۹ آ پاکستان آ گلگت بلتستان امپارومنٹ اینڈ سیلف گوورننس آرڈر آ منظوری داسا ہمائی آ جال علاقہ آنر وا حکومت کھنغ ائے اختیار داسی آ شزا۔ہمیں آرڈر ائے حلاپ مقامی مڑدم آں باز احتجاج کھزا او یک اینگے حکومت ائے مطالبہ کھزیش ہماں کہ بین الاقوامی منغ نامہ آنی روگا بی۔ستمبر ۲۰۰۹ آ بنیاتی خاکہ او بجلی لوغ آنی پروجیکٹ آنی آپا چین ائے پھجی آ منغ نامہ کھنغ آ پھدا مقامی حالت باز بدل بیسا۔ہبدہ جنوری ۲۰۱۹ آ مزن ایں عدالت ائے مزن ایں قاضی واجہ ثاقب نثار ائے سروکی آ یک ہپت نفری بینچ آ گلگت بلتستان ائے آئینی حیثیت آپا یک پٹیشن ائے سماعت کھزؤ اسلام آباد آر ۲۰۱۸ ائے انتظامی آرڈر آ بدلاؤ کھنغ ائے اجازت داسا تاکہ علاقہ آ عامین گچین کاری کھنائینغ بیس بی آں ۔پاکستان آ مزنیں عدالت ائے ہمیں فیصلہ ائے حلاپ ھند آ باز احتجاج کھزا۔ڈن ائے وزارت آ یک پیرا آ گوشتا کہ پاکستان چکا اے ٹؤک صاف کھزی آ شزا کہ گلگت بلتستان پھجی آ جموں وکشمیر او لداخ ائے مچھیں علاقہ ھند ائے مضبوط بہر آں او پاکستان آر ہماں مچھیں دمغ الغ لوٹھاں ہماں کہ آنہی قوضہ اندرا آں ۔نوخیں دلی آ گوشتا کہ پاکستان ائے سرکار یا عدالت آ ہمیں علاقہ آنی چکا ھچھ دی کاروائی کھنغ ائے ھچھ اختیار نعیں ہماں کہ آنہی قوضہ لافا آں ۔ھند او چین ائے نیمگا سیمائی ناوشی سرا آژ جزغیں او نی ہمیں ناوشی ائے نیمگا وتی ردیں عمل آنر جزینتھؤ پاکستان آ گلگت بلتستان آ پھانزد نومبر آ گچین کاری کھنائینغ ائے جار جھزا تاکہ آنہی آ پورا ایں درجہ دئے اغ بیس بی ۔