من کی بات
منی عزیزیں ہم وطن نمسکار،مروشی بیست او ہپت دسمبر ایں چھیار روش آنی پھدا دو ہزار بیست او یک ائے بنگیج بی ،مروشی ائے من کی بات دوہزار بیست سال ائے آخیری ایں من کی بات ائے پروگرام ایں ۔اگی ایں من کی بات دوہزار بیست او یک آ بی منی سنگت منی دیما شوئے لکھسی ایں نمدی آنی ڈمبار ایں مائے جی او وی،چکا شوا ہماں کی وتی ویچار مناں دیم دئے آں دی منی دیماں کھپتی آں ،چھیختر مڑدم آں فون کھزؤ وتی ویچار مناں ڈسسا،بازی آ تر پھیغام آنی اندرا گوستی ایں سال ائے تجربہ او بیست او یک سال آگو جُڑسی ایں عہد آں ۔کولہا پور آژ بانکھ انجلی آ لکھسا کہ نوخیں سال آ ما دوہمی مڑدم آنر مبارک او نیخیں دُعا دؤں ،شے دھکی ما یک نوخیں کار کھنوں کہ ما وتی ملک آر مبارک دؤں ،نیخیں دُعا دؤں ،بانکھ انجی یک شر ایں مڑدم ایں آنہی ائے باز شر ایں ویچار آں ،مئے ملک دو ہزار بیست آ ترقی او سوب مندی آنی بلندی تکا پُجھی ہمیں مئے دُعا ایں مچھیں جہان اندرا ھند ائے مقام بُڑزا بی ہمیں دُعا آژ مزن ایں ھچھ دی نعیں ۔منی سنگت نمو ایپ چکا ممبیئ ائے ابھی شیک آ یک پھیغام دیم داسا ،آنہی آ لکھسا کہ دو ہزار بیست سال آ ہماں دی چھی اے پھیدھارتھا ہماں دی چھی اے سکھینتھا ما کھدیں دی آنہی ویچار دی کھُز نہ کھنوں کرونا ناجوڑی آگو جُڑسی ایں مچھیں ٹؤک آنہی آ لکھسا،ہمیں نمدی او پھیغام آنی اندرا مناں یک اے ٹؤک یک بھیرا نیاہ آتکا آں مروشی ما شوئے آگو ونڈاں ،بازی آ تر نمدی آنی اندرا مڑدم آں ملک ائے قابل شہری آنی اجتماعی طاغت ائے باز وشادگی کھُزا۔ہماں وخت جنتا کرفیو مچھیں جہان آپا یک سبق بیسا ،ہماں وخت تاڑی،تھالی آگو مڑدم آں کرونا ناجوڑی آ دیما کھزغئے سا او یک دوہمی ائے گون مُہل آگو کار گتا آنہی آر دی کے مڑدم آں یات کھُزا۔منی سنگت ملک ائے عام آژ عام مڑدم آ دی ہمیں بدلاؤ آر محسوس کھُزا،منا ملک آ مڑدم آنی اندرا یک امیت دیستا،مشکل باز آتکگاں ،کرونا نوجوڑی ائے وجہ آژ جہان یک دوہمی آژ کٹجیسا او سپلائی چین آپا چُنتی مشکل دیما آتکغاں مگہ مارا ہر مشکل آژ یک نوخیں سبق سکھسا ،ملک آ یک نوخیں طاغت پیدا بیسا اگر ما لپظ آنی اندرا گُشوں تہ ہمیں طاغت ائے نام وتی چکا باور ایں ۔منی سنگت دلی ائے ابھینو بینرجی آ وتی پھیغام آ ہماں کہ وتی تجربہ آنی بارو آ لکھسا آں دی باز دلچسپ ایں،ابھینو جی آ وتی سیاد آنی چُکھ آنی آپا سوکھڑی گرغی اساں او آں او آنہی آپا آں دلی ائے جھنڈے والا مارکیت شزغئے سا ،شوئے آژ چنتی مڑدم اے زاناں کہ ہمیں مارکیت سائیکل او کھلونہ آنی آپا باز مشہور ایں ،سرا ہموزا گران کھلونا آنی مطلو اسا ڈن آژ لوٹھائینتھی ایں سامان او اڑزان سامان دی درا آژ لوٹھائینتھی آ شُزا،مگہ واجہ ابھینو آ نمدی آ لکھسا کہ نی دُکاندار وتی سامان آ گراہک آنر اے گوشتؤ شوشکغاں کہ اے سامان بازجوان ایں پھرچھے کہ اے ھند اندرا ٹھائینتھی آ شزا او گراہک دی نی ھند اندرا ٹھائینتھی ایں سامان ہی لوٹھغاں ،مڑدم آنی ویچار آنی اندرا اے یک مزن ایں بدلاؤ ایں او چھڑوئی آ یک سال اندرا ہمیں بدلاؤ بیسا،ہمیں بدلاؤ ائے اٹکل جھنغ آسان نوی ۔منی سنگت وشاکھا پٹنم آژ وینکٹ مرلی پرساد آ ہماں کہ لکھسا آنہی اندرا دی یک جتا بھیرئے آئیڈیا ایں واجہ ویکنٹ آ لکھسا کہ من شوار دوہزار بیست سال آپا وتی اے بی سی اٹیچ کھنغاں ،منا ھچھ سمجھ آ نیاتکا کہ آخیر اے بی سی آگو آنہی چھے مطلو ایں ،تہ گُدا منا دیستا کہ واجہ ویکنٹ آ وتی نمدی آگو یک یک چارٹ دی دیم داسا،منا ہماں چارٹ دیستا تہ گُڈا منا کَل بیسا کہ اے بی سی آگو آنہی مطلو ایں وتی چکا دارومدار ایر کھنغ والا ھند چارٹ اے بی سی،اے باز دلچسپ ایں ۔واجہ ویکنٹ آ ہماں مچھیں شئے آنی لِسٹ ٹھائینتھا ہماں ہانر کہ آں ہر روش استعمال کھنت ہمائی اندرا الیکترانک سامان،سٹیشنری او دیگر روش مرہ ائے سامان او باز دیگر شئے اوار آں ،واجہ ویکنٹ آ گوشتا کہ ما بازی آ تر ڈن آ تیار کھزی ایں سامان استعمال کھنوں مگہ ہمیں مچھیں شئے مئے وتی جند ائے ملک اندرا آسانی آگو دستیاب آں ،نی آنہی آ قسم زڑتھا کہ آں وتی ملک آ ٹھائینتھی ایں سامان ائے استعمال کھنت۔منی سنگت اشی پھجی آ آنہی آ چھی اے اینگے دی گوشتا ہماں کہ مناں باز دلچسپ مان آتکا آنہی آ لکھسا کہ ما وتی چکا دارومدار ایر کھنغ والا ایں ھند ائے واہریائی کھنغؤں مگہ مئے ملک ائے مینوفیکچرس آنی آپا دی یک صاف ایں پھیغام بی اغ لوٹھی کہ آں شئے آنی کوالیتی آگو ھچھ بھیرئے کمی نہ کھناں ۔من وتی ملک ائے مینوفیکچرس آنژ اپیل کھناں کہ آں ملک ائے مڑدم آنی باور آر نہ بھوریناں۔من یک دھکا پدوارغ واجہ وینکنٹ ائے شر ایں ویچار آنی چکا آنہی آر مبارک دیاں ۔منی سنگت مارا ہمیں احساس آر وتی اندرا زیندغ ایر کھنغی ایں آنہی آر اگا ودھینغی ایں منا پیشا دی گوشتا کہ او نی دی وتی ہم وطن آنژ درخواست کھناں کہ شوا دی یک لسٹ آر ٹھائینے مچھیں روش آ ما ہماں کہ شئے استعمال کھنوں آنہی چکا ویچار کھنوں کہ ما تھاں شئے ڈن ائے استعمال کھنغؤں ہماں ہاں کہ مارا یک بھیرا وتی غلام کھزؤ اشتا ،مارا عہد کھنغی ایں کہ نی آژ مارا وتی ملک اندرا وتی مزور آنی محنت آگو ٹھائینتھی ایں شئے استعمال کھنغی آں ،شوا ہر نوخیں سال ائے بنگیج آ یک عہد کھنے شے دھکی شوا یک عہد وتی ملک آپا دی گرے۔منی عزیزیں ہم وطن مئے ملک آ صدی آنژ ملک ائے ہزارہا سال کہنیں ثقافت،مئے رسوم ورواج ،آنر بھچینغ آپا چھیختر مزن ایں قربانی داسی آ شزغاں مروشی آنہی آت یات کھنغ ائے دی روش ایں ،مروشی ائے روش گورو گوبند سنگھ صاحو ائے بچھ زورآور سنگھ او فتح سنگھ آر بھت اندرا زیندغ دفن کھزی آ شزغئے سا ظالم آنی لوٹھغ اسا کہ گورو گوبند ائے بچھ صاحو زادہ وتی عقیدہ آر الاں ،گورو آنی روایت آر الاں مگہ مئے صاحوزادہ آں ہمختر کسنی آ دی باز ہمت او دلیری آ پھیدھارتھا موت آر وتی دیما گندغئے ساں گُڈا دی آنہاں نی حوصلہ نہ پھُرشتا،مروشی ائے روش گورو گوبند سنگھ ائے ماس ماتا گوجری دی شہید بیسغئے سا،نزیخ یک ہپتغ پیشا واجہ گورو تیگ بھادر ائے شہیدی ائے روش اسا او مناں گوردوارا رکاب گنج آ گورو تیگ بہادر آ خراج عقیدت پیش کھنغ ائے موقع دی ملسغئے سا ۔ہمیں ماہ آ مڑدم گورو گوبند سنگھ آ یات کھزؤ ڈغار چکا اکساں ،مڑدم گورو گوبند سنگھ ائے شہیدی آر یات کھناں او ہمیں شہادت مچھیں مڑدُمیت،ملک آر نوخیں سبق دا،ہمیں شہیدی آ مئے ثقافت ،تہزیب آر محفوظ ایر کھنغ ائے کار کھُزا۔ما ہمیں شہیدی ائے قرضدار اوں یک دھکا پدوارغ ماں واجہ گورو گوبند سنگھ صاحو،تیگ بہادر،ماتا گوجری او چھیاریں صاحو زادہ آنی شہیدی آر سلام کھناں ۔اینگے چنتی شہید آں ھند ائے مروشی ائے عکس آر بھچینتھا۔منی عزیزیں ہم وطن نی ما شوار یک اینگے ٹؤک ڈسغ آپا روغاں ہمائی آر اش کھزؤ شوار باز وشی او فخر محسوس بی۔ھند اندرا چیتا آنی کچھ دوہزار چھیاردہ آژ دوہزار ہژدہ ائے نیمگا شست فیصد گیش بیسا دوہزار چھیاردہ آ ملک آ چیتا آنی کچھ ہپت ہزار نوہ سد اسا او دو ہزار نوزدہ آ ہمیں کچھ دوازد ہزار ہشت سد او پنجہ او دو بیسا۔اے ہماں چیتا آں ہمائی بارو آ جِم کاربِٹ آ گوشتغئے سا :ہماں مڑدم آں چیتا آنر تھرسؤ نہ دیستا آں آنہاں نی سونڑھائی ائے اٹکل دی کھُز کھناں آنہی رنگ آنی سونڑھائی،او آنہی سونڑھائیں چال ائے دلفریبی ائے اٹکل کھُز نہ کھناں ۔ملک ائے بازی آ تر صوبہ آنی اندرا چیتا آنی کچھ گیش بیسا۔اے یک مزنیں سوب مندی ایں چیتا مچھیں جہان آ خطر آنر دیما کھناں پھیزاغاں اینگے حالت آ ھند آ چیتا آنی کچھ آ گیشتری کھزؤ مچھیں جہان آ یک دگ پھیدھارتھا،شوار ہمیں ٹؤک آنی دی زانتکاری استیں کہ گوستی ایں چھی اے سال آنی اندرا ھند اندرا مار آنی آباتی دی گیش بیسا آنہی وجہ اش انت کہ سرکار ہی نہ بلکہ باز مڑدم او تنظیم دی مئے درشک او بوٹا او جنگلی جناور آنی محاپظت ائے کوشست کھنغاں آں مچھیں مبارک باد ائے لائیق آں۔منی سنگت منا تمل ناڈو ائے کوئیمبٹور آ یک بینگ آپا ویل چےار ائے ٹھائینغ ائے بارو آ پڑھسا کوئیمبٹور ائے یک جنکھ گائیتری آ وتی پھِز آگو ملسؤ یک ٹھپی بینگ آپا یک ویل چیئیر ٹھائینتھا ہمیں احساس ائے جزبہ باز سبق دئے اغ والا ایں او اے ہماں وخت بیس بی ہماں وخت مڑدم اندرا ہر کھسے آپا چاھے آں جناور بی دڑد بی ۔دلی این سی آر او ملک ائے دیگر شہر آنی اندرا ہمیختر ساڑتھیں موسم آ بے لوغ جناور او پرندہ آنی آپا باز چھی اے کھنغاں آنہاں نی آپا ورغ ائے سامان گرمیں جر آنی انتظام کھناں اینگے کوشست وشادگی کھنغ ائے لائیق آں ۔منی عزیزیں ہم وطن نی ہماں کہ نمدی مئی دیما ایر ایں آنہی اندرا دو مزنیں عکس آں ہمیں عکس یک مندر ائے غاں او پیشا او پھدا ائے غاں،ہمیں عکس آنی گون ہماں کہ نمدی ایں آنہی اندرا ورنا آنی یک اینگے ٹیم ائے بارو آ ڈسسی آ شزا ہماں کہ وضہار ورنا آنی برگیڈ گُشاں ،اصل آ ہمیں ورنا برگیڈ کرناٹکا آ شری رنگ پٹن ائے نزیخ ویر بھد نام ائے یک تاریخی شو مندر ائے مرمت کھُزا مندر اندر ہر وٹا گاہ او بوٹا اساں مندر ائے حالت باز ردین اسا ،یک روش چھی اے جہان گرد آں ہمیں مندر ائے یک ویدیو سوشل میڈیا چکا پوست کھُزا ،ورنا برگیڈ آ ہماں وخت ہمیں ویدیو آ سوشل میڈیا چکا دیستا تہ آنہا ہمیں مندر ائے پدوارغ تعمیر ائے فیصلہ کھُزا ،آنہاں نی شر ایں کار آر دیستؤ ہموزا ائے مقامی مڑدم آں دی آنہاں نی باز مدد کھُزا،کھسے آ سیمنٹ داسا کھسے آ سِل داسغاں کھسے آ رنگ داسا او دیگر گزر مندی ائے شئے ،اینگا ورنا آں کہنیں مندر آ یک سونڑھائیں عکس داسؤ ٹھائینتھا ۔ہماں وخت ما ھند ائے ورنا آنر گنداں تہ مناں باز وشی او اطمینان بی پھرچھے کہ مئی ملک ائے ورنا آنی اندرا کار کھنغ ائے جزبہ ایں ۔آنہاں نی آپا ہر مشکل کارآسان بی ۔مناں تمل ناڈو ائے یک استانی ائے بارو آ پڑھسا آنہی نام ہیملتا ایں ہماں کہ وڈوپورم ائے یک سکول آ جہان ائے سجوں آنژ کہنیں زوان تمل وانینی ،کووڈ نوزدہ ناجوڑی ائے مشکل وخت آ آنہی آ یک اینوویٹو دگ کشتا او کورس ائے مچھیں پنجہ او سئے چیپٹر آنر ریکارڈ کھُزئ،اینی میٹڈ ویدیو ٹھائینتھئی او آنہار یک پین ڈرائیو آ ماکھزؤ وتی شاگرد آنر داسئی او اشی آژ آنہی شاگرد آنر باز مدد ملسا۔مچھیں ملک آ کرونا ائے ہمیں مشکل وخت آ استاد آں ہماں کہ اینوویٹو طریقہ آنگو کار کھزا آں آن لائین پڑھائی ائے ہمیں وخت آ باز بے مثال آں ۔منی مچھیں استاد آنژ درخواست ایں کہ آں ہمیں کورس آنر وزارت تعلیم ائے پورٹل چکا اپلوڈ کھناں آنہی آژ ملک ائے پھدا بیسغیں دیر ائے دمغ آنی اندرا شاگرد آنر باز مدد بی۔منی سنگت بیائے نی ما ٹؤک کھنوں کوروا قبیلہ ائے ہیرامن ائے ،واجہ ہیرامن گڑھوا ضلع ائے سنجو گاؤں ائے غیں ،شوار اے پوہ بیسؤ حیرانی بی کہ کوروا قبیلہ ائے آباتی چھڑوئی آ شش ہزار ایں ہماں کہ شہر آنژ دیر کوہ آنی چکا زند گوازیناں ،وتی قبیلہ ائے تہزیب او ثقافت آر بھچینغ آپا واجہ ہیرامن آ زمہ واری زڑتھا،آنہی آ دوازد سال آنی باز محنت او کوشست آنگو کوروا زوان ائے یک ڈکشنری تیار کھُزا آنہی آ ہمیں ڈکشنری اندرا روش مرہ استعمال بی اغ والا ایں مچھیں لپظ آنی استعمال کھُزا،کوروا قبیلہ آپا واجہ ہیرامن آ ہماں کہ کھزا آں مچھیں ملک آپا یک مثال ایں ۔منی عزیزیں ہم وطن اینگا گُشاں کہ اکبر ائے دربار آ یک چیف عبل فضل اسا،آنہی آ یک دھکا کشمیر ائے سفر کھنغ آ پھدا گوشتا کہ کشمیر اندرا یک اینگے منظر ایں ہمائی آر دیستؤ باز بدمزاج او تیش کھنغ والا مڑدم دی وش بی آں ،اصل آ آں کشمیر آ زعفران ائے کشت کاری ائے زکر کھنغئے سا ،زعفران صدی آنژ کشمیر آگو جڑسی ایں ،کشمیری زعفران خاص ڈؤل چکا پلوامہ،بڈگام او کشتواڑہ دمغ آ پاچ کھزی آ رؤ۔ہمیں سال مئی آ کشمیری زعفران آ جی آئی ٹیگ داسی آ شزا۔ہمائی زریعہ آگو ما کشمیری زعفران آ یک جہانی ایں مشہور برانڈ کھنغ آپا باڑہ اوں ۔زعفران یک وش بو او زڑد رنگ ائے بی اے یک باز فائیدہ دؤخ شئے ایں اے جموں او کشمیر ائے ثقافتی ورثہ ایں ،کوالیتی ائے ٹؤک کھنوں تہ کشمیر ائے زعفران باز جوان بی،او دیگر ملک آنی مقابلہ باز جتا ایں ۔کشمیری زعفران آ جی آئی ٹیک مِلغ آژ یک جتا شناخت مِلسا۔شوار اے پوہ بیسؤ باز وشی بی کہ کشمیری زعفران آ جی آئی ٹیگ ملغ آ پھدا دبئی ائے یک سُپر مارکیت آ آنہی آر لانچ کھزی آ شزا۔زعفران ائے کسان آنر اشی آژ باز نپ او کھٹ بی سا۔اگی ایں دھکا ہماں وخت دی شوا زعفران گرے تہ کشمیر ائے زعفران گرے۔کشمیر ائے مڑدم آنی جوش اینگے ایں کہ ایزا ائے زعفران ائے زائیقہ دی جتا بی۔منی عزیزیں ہم وطن نی دو روش پیشا گیتا جینتی اسا گیتا مارا مئے زند آ دگ پھیدھاری،مگہ چھے شوا زانے کہ گیتا ہمیختر خاص کتاو پھرچھے ایں ؟آں ہمیں خاطرہ کہ اے بھگوان کرشن ائے لپظ آں ،مگہ گیتا ائے اہمیت ہمیں خاطرہ دی ایں کہ آنہی آ پوہ بی اغ ائے تجسس بی ۔ارجن آ بھگوان آژ سوال کھُزا کہ تہ گُڈا گیتا ائے زانتکاری جہان آر ملسا۔ویدانت ائے تہ اولی ایں منتر دی ہمش ایں کہ بیائے ما برہم ائے تجسس کھنوں ہمیں خاطرہ تہ مئے ایزا برہم ائے پٹ او پھول ائے ٹؤک کھزی آ رؤ،تجسس ائے طاغت ہی اینگے بی اے مارا نوخیں کھنغ آپا حوصلہ دا کسنی آ ما ہمیں خاطرہ تہ سکھوں کہ مئے اندرا تجسس بی ۔ہماں وخت تکا زند ایں ہماں وخت تکا تجسس ایں ہماں وخت تکا نوخیں سکھغ ائے کار جُزی۔تجسس ائے اینگے ہی توانائی ائے یک مثال منا کل بیسا تمل ناڈو ائے پھیرُنڈ واجہ ٹی شری نواس آچاریہ ائے بارو آ ،واجہ آچاریہ نواد او دو سال آنی ایں آں ہمیں عمر آ دی کمپیوتر چکا وتی کتاو لکھغیں آں دی وا ٹائیپ کھزؤ،شوا اے ویچار کھنے کہ کتاو لکھغ تہ راست ایں مگہ آچاریہ ائے وخت آ تہ کمپیوتر است دی نیا تہ آنہی آ کمپیوتر کھدیں سکھسا؟اے ٹؤک راست ایں کہ آنہی پڑھائی ائے وخت کمپیوتر نیا مگہ آنہی دل اندرا تجسس نی دی ہمیختر ایں ہمیختر کہ ورنائی آ اسا۔کمپیوتر سکھغ آ پھدا ہماں وخت آنہی آ مان آتکا کہ نی تہ کتاو لکھغ او پرنٹ کھنغ ائے طریقہ بدل بیسا تہ آنہی آ وتی آپا ضروری سوفٹ وئیر سکھسا نی آں وتی کتاو پورا کھنغیں ۔منی سنگت واجہ آچاریہ ائے زند ہمیں ٹؤک ائے ثبوت ایں کہ زند انرا ہماں وخت تکا توانائی بی ہماں وخت تکا کہ تجسس زیندغ ایں ۔ہمیں خاطرہ مارا کھدیں دی اے ویچار کھنغ نہ لوٹھی کہ ما پھدا بیسغؤں ،کاش ما دی کھُز کھنوں مارا ہمیں ویچار دی درا کھنغی بی آں کہ ما اے کھُز نہ کھنوں ما اگا بیس نوی اوں۔منی سنگت تنک ما تجسس آگو چھی اے نوخ کھنغ او سکھغ ائے ٹؤک کھنغئے سوں ،نوخیں سال آ نوخیں عہد ائے دی ٹؤک کھنغئے سوں مگہ چھی اے مڑدم اینگے دی آں ہماں کہ چھی اے نہ چھی اے نوخ کھنا نوخیں عہد آنر پھیلو کھناں شوارا دی وتی زند آ محسوس کھزا کہ ہماں وخت ما معاشرہ آپا چھی اے کھنوں تہ باز چھی اے کھنغ ائے طاغت مارا معاشرہ وا دا ۔یک ورنا ایں واجہ پردیپ سانگوان گورو گرام ائے پردیپ سانگوان دوہزار شانزد آژ ہیلنگ ہمالیہ نام ائے ابھیان جُزینغیں آں وتی ٹیم آگو ہمالیہ ائے جتا جتا علاقہ آنی اندرا رؤ او ہماں دی پلاسٹک او کچرہ جہان گرد ہموزا چھغل دیاں آں صاف کھناں ۔ہمیں بھیرا کرناٹک ائے یک ورنا دمپتی ایں انیدیپ او منوشا ،انیدیپ او منوشا آ گوستی ایں ماہ نومبر آ سیر کھزغئے سا سیر آ پھدا باز مڑدم تھرغ آپا رواں مگہ ہمیں ہڑدوکین آں چھی اے جتا کھُزا ۔آں کرناٹک ائے سوم گھر بیچ چکا تھرغ آپا شزغاں تہ ہموزا مڑدم آں ہماں کہ گند او کچرہ چھغل داسغئے سا آنہاں ملسؤ آنہی آ صاف کھزا ۔منی سنگت ہمیں کوشست آنی نیمگا مارا اے ویچار دی کھنغ لوٹھی کہ ہمیں گند او کچرہ بیچ او کوہ آنی تکا پُجھی تھانگا آخر مئے آژ ہی چھی اے مڑدم ہمیں گند آر ایزا الاں رواں مارا پردیپ او انودیپ منوشا ائے بھیرا صفائی ابھیاس جُزینغ لوٹھی مگہ اشی آژ دی سرا مارا ہمیں عہد کھنغ لوٹھی کہ ما کچرہ نہ کھنوں یک دوہمی ٹؤ ما شوار گیر کھنائینغ آپا باڑہ آں کرونا ائے وجہ آژ ہمیں سال آنہی زکر ہمیختر نویسا مارا ملک آ پلاسٹک آژ پاک کھنغی ایں اے دی دوہزار بیست او یک ائے عہد آنژ یک ایں ۔آخیر آ ما شوار نوخیں سال ائے باز باز مبارک دیاں او نیخیں دعا دیاں شوا درا او جوڑ بی اے او وتی کنبہ آر درا او جوڑ ایر کھنے ،اگی ایں سال جنوری آ نوخیں سال آ من کی بات بی۔باز باز شکریہ
Comments
Post a Comment